Policia e Kosovës  në Ditën Ndërkombëtare të Fëmijëve, u bë pjesë e gëzimit të vogëlushëve në disa rajone vendit, përmes aktiviteteve të ndryshme edukative e argëtuese.

Në një atmosferë të mbushur me buzëqeshje, fëmijët patën mundësinë të takohen nga afër me zyrtarët policorë, të mësojnë për sigurinë, rregullat e komunikacionit dhe mënyrat për të parandaluar dukuritë negative që ndikojnë tek fëmijët dhe të rinjtë.

Pyetjet e tyre morën përgjigje të sinqerta, ndërsa respekti dhe mirëkuptimi u ndërtuan përmes bashkëbisedimit të drejtpërdrejtë.

“Policia e Kosovës mbetet e përkushtuar të jetë pranë qytetarëve pa dallim – veçanërisht pranë gjeneratave të reja dhe fëmijëve duke ndërtuar ura bashkëpunimi për një të ardhme më të sigurt, më të drejtë dhe më të bashkuar.”, thuhet në njoftimin e policisë./Arbresh.info/